Category: Non classé

Deman, aquestas terrassas poirián noirir tot un territòri — amb vòstre ajuda.

I es : nòstra campanha per l’aquisicion de la bòria del Cambon es oficialament dobèrta ! Aquesta crompa serà l’acte 1 d’una fonciera solidària en Cevenas. E per la capitar, avèm besonh de vos.

Nòstre objectiu

Per far del Cambon un luòc viu e noiridoire, devèm amassar 400 000 €, en dos temps :

Cada èuro compta : ensem, s’agís de sostraire durablament aquesta bòria a l’especulacion per la confisar a las e als que la faràn viure.

A de qué servirà vòstre don

• Crompar los 14 ectaras de terrassas e de bòsc, al bòrd del Gardon.
• Reabilitar lo bastiment de pèira de mai de 300 m².
• Amainatjar e equipar lo luòc per la produccion, la transformacion, la formacion e l’aculhiment.
• Metre a las nòrmas los espacis per que sián segurs e dobèrts a totes.

Cossí contribuir

• En linha sus nòstra cagnòta HelloAsso, en qualques clics.
• Per corrièr, en mandant lo bulletin de don a l’associacion Cerise (2394 chemin de Paillère, 30140 Thoiras-Corbès).
• En difusant la campanha a l’entorn de vos : cada partatge eslarguís lo cercle.

Vòstre don es deductible dels impòstes : un recebut fiscal vos serà mandat sus demanda se sètz impausable.

← Tornar a las actualitats

Vidèos d’apèl als dons, presentacion del projècte e de nòstras experimentacions : una cadena YouTube dedicada arriba lèu lèu.

Preparam una cadena YouTube per donar a veire lo projècte autrament : de vidèos d’apèl als dons, una presentacion del Cambon e de la fonciera solidària, e lo seguiment de nòstras experimentacions agricòlas e ecologicas.

Demoratz connectats : tre la mesa en linha de las primièras vidèos, las partejarem aicí e sus nòstres rets. En esperant, podètz ja sostenir l’aquisicion de la bòria.

← Tornar a las actualitats

Los 14 ectaras del Cambon, al bòrd del Gardon a Mialet.

En Cevenas coma endacòm mai, ven de mai en mai dificil de s’installar coma paisan. Lo primièr obstacle a un nom : l’accès a la tèrra. Es justament çò que nòstra fonciera solidària vòl cambiar — en començant per la bòria del Cambon.

L’accès al foncièr, un enjòc màger

Crompar una bòria uèi relèva sovent del percors del combatent. Los prètzes montan, las tèrras agricòlas son crompadas per èsser bastidas, emboscadas o daissadas a l’abandon, e las bòrias que se liberan partisson sovent al mai oferent puslèu qu’a las e als que las vòlon far viure.

Resulta : de candidats a l’installacion plens d’energia e de competéncias tustan un mur, e de tèrras noiridoiras sortisson pauc a pauc de l’usatge agricòla. Sus un territòri coma lo nòstre, ont l’agricultura paisana façona los paisatges e la vida locala, es una pèrda considerabla.

Nòstra responsa : far del Cambon un comun

Puslèu que de daissar una bòria de mai escapar a sa vocacion, volèm ne far un comun : un ben sostrach a l’especulacion, que son usatge agricòla es garantit dins lo temps, e qu’aparten collectivament als estatjants del territòri.

« Un comun : qu’aparten a totes, que concernís tot lo monde, a que totes an drech o part. » (Larousse)

Concrètament, creèm una fonciera sens but lucratiu, gerida per d’estatjants, que crompa de tèrras e de bastiments agricòlas per los confisar durablament a de paisans. La proprietat demora collectiva ; l’usatge es partejat e protegit. Degun poirà pas tornar vendre la bòria per ne far autra causa qu’un luòc viu e noiridoire.

Un projècte menat collectivament

Aquesta fonciera es pas l’afar d’una sola persona. Amassa mantunas associacions e collectius del territòri — Cevenas 2050, Fruits Oblidats & biodiversitat en Cevenas e Tèrras Vivas en Cevenas — amassats dins l’associacion Cerise, amb l’apuèg d’una ret de partenaris de l’economia sociala e solidària.

Aquesta governança collegiala es una garantia : las decisions se prenon ensem, dins la durada, al servici de l’interès comun e non d’un profit privat.

Lo Cambon, primièr acte

L’aquisicion de la bòria del Cambon, a Mialet, serà l’acte 1 d’aquesta fonciera. Amb sos 14 ectaras de terrassas e de bòsc, sas fonts, sos bacins e son bastiment de pèira de mai de 300 m², es un luòc ideal per encarnar nòstre projècte : produire e transformar, experimentar, transmetre e aculhir.

E serà pas qu’un començament. Cada bòria preservada dobrís la via a la seguenta. Es pas a pas, luòc aprèp luòc, que volèm tornar donar al territòri los mejans de son autonomia.

Concrètament, l’operacion representa un objectiu de 400 000 €, en dos temps :

Cossí comptam agir

• Donar accès a de tèrras als paisans
• Reabilitar d’estatges pels paisans e portaires de projècte
• Crear d’espacis e ataliers mutualizats
• Desvolopar de formacions e d’aisinas accessiblas a l’entorn de l’autonomia
• Far viure una governança collegiala, durabla e partejada

E vos, dins tot aquò ?

Un projècte coma aqueste pòt existir sonque s’es portat per fòrça monde. Vòstre don, deductible dels impòstes, contribuís dirèctament a la crompa del Cambon. E cada partatge fa créisser lo cercle de las e dels que crèson a una autra manièra d’estatjar las Cevenas.

← Tornar a las actualitats

14 ha de terrassas e de bòsc, de fonts, un bastiment de pèira… pichona presentacion del luòc que volèm preservar e far viure.

La bòria del Cambon, al bòrd del Gardon a Mialet (Gard), es una bòria cevenòla tipica. I a de terrassas cultivablas, de bòsc, d’aiga en abondància (fonts e bacins) e un bastiment de pèira de mai de 300 m² de reabilitar. Un ensemble coerent, ideal per i desvolopar de maraichatge, de pichons fruits, de transformacion, de formacion e d’aculhiment.

Dins las setmanas que venon, publicarem una visita en imatges mai completa. En esperant, seguètz-nos suls rets sociaus per descobrir lo luòc e son potencial.

← Tornar a las actualitats